I love you AoMine ~

Happy Birthday to Aomine !!!!!!!!!!


31.8

ياااااااااااااي الحمدلله ما فاتني اليوم و قدرت احط بوست حق ميني *تدليع اوميني* 
يس يس كنت ادري انه في شهر 8 مولود و انه برج العذراء بس نسيت انه اليوم


قصتي مع ميني قصة مشربكة ،، ابدت بكره شدييييد بدون سبب * يمكن كان في سبب بس نسيته*
وانتهت بأن اصير فانغيرل مخلصة له هاهاهاهاه و اخر شي هو حالة ادمان دامت لمدة شهرين 
ما كنت احب فيها الا ميني و على طول ميني و ميني والسبب هو فانفيكشن رووووووعة ادمنت 
عليها من قلب !!! المؤلفة كانت كل يوم تنزل تشابتر يديد و صرت انطر متى ايصير باجر بس 
عشان اقراه و كنت اروح الدوام نشيطة بس عشان اخلص و اقرى التشابتر ... ببساطة القصة 
قلبت حياتي فوق تحت شمال جنوب و كانت فترة جمييييلة ما انساها ابدا كلش مولية ...

اللي له خاطر يقرى الفانفكشن اسمها Egoistical
https://www.fanfiction.net/s/10079126/1/Egoistical

صج كلمة روعة قليلة في حقها و كاتبتها مبدعة بشكل ما ينوصف لانها اجادت شخصية ميني باالضبططط

انا قريت سبعمئة وخمس و طعش فانفيكشن اغلبهم مخربين ام شخصية ميني و الاوسي تكون ملييقة مستحيل
اقدر اتخيل روحي مكانها لكن هذي غيييير ،،، اااااااااه على ذيج الايام اللي كنت توني اقراها *فيس ذايب*

شاقول بعد ؟؟ بس والله بقعد اتخيل فانفكشن على قدي في مخي فيها مومو ساما تحتفل مع ميني بعيدميلاده وسط جزيرة استوائية 
و الاسود تتربص بهم لإفتراسهم 

شقد حلوووو شقد زين 

Puremine 
يوم رد طيب عقب ما هزمه كوروكو 
حبيبي ما يستحمل الخسارة 

The Only one who can beat me, is me 

KNB Manga Ends !!!

لا ... لااااااااااا لااااااااا

من شوي احترقت علي نهاية مانغا كوروكو نو باسكت 
لييييييش فوق مو انا قلبي متفرفت لان المانغا خلصت بعد

اجوف سبويلر هل الكبر على الغالي ؟؟ أكاشي ساماااااااااااااا 
ااااه لا ، مخي مو راضي يستوعب !!

* الصورة خطيرة مال احد يكتب عليها فانفيكشن 

ترى انه بديت اقرى المانغا من عقب ما كمل الجزء الثاني و اول ما سمعت بخبر
الجزء الثالث اللي بينزل في 2015 وقفت من الوناسة وقلت بنطر الانمي احس 

و اخر شي انصدمت ان المانغا كملت ( كنت متوقعة و مجهزة روحي نفسياً بس بعد )
هههههههه المهم الحمدلله و الله كانت مانغا رهيبة و عجيبة و اموت عليها ( هذا وانا ما قريتها كلها )

و اريقاااتوه فوجيماكي-سينسيه على هل السلسلة الجميلة المليئة بالبيشونن الجملين حبايب قلبي والله 
و بالنسبة لي متحمسة للجزء الثالث ويارب حماسي يطغى على فجيعتي بإنتهاء المانغا 

بالمناسبة قط قلت شقد احب هذا النفر اللي فوق ؟؟ مينيييييي تشاااان احبه اموت عليه يؤبر عظامي * خارج سياق النص*

لقد عُدت !

السلام عليكم ورحمة الله وبركاته 

توقعوا من اللي رجع ؟؟

مومو سينبااااي سااما دونو ( قرع طبول و موسيقى مؤثرة )
ااااه يا قلبي ما اصدق ان ثلاث سنوات تقريبا مرت على اخر مرة فتحت هل المدونه !!
انا ما اختفيت ولا هاجرت للمريخ ولا رجعت لكوكبي الأم نبتون !! لا لا .... انا كنت موجودة 
في اماكن ثانية و كسلي العبيط اهو اللي ما خلاني ادون مثل الايام الخوالي ...

جادك الغيث اذا الغيث هما            يا زمان الوصل بالمدونتي 

( الشاعر ارتكب جريمة في حق نفسه )

انا كنت موجودة في تويتر و بعدين خفت مشاركتي هناك وقلبت على التمبلر والسبب الاوحد
اهو ان تمبلر ما يحتاج له جهد و كتابه و و.... بس بضغطة زر و الصورة صارت ريبلوق هاهاها 
نعم وصل كسلي لمرحلة من شدتها ما اصدق روحي ..

المهم امس بالصدفة طرت مدونتي العزيزة على بالي .. و تخيلوا يوم ييت اكتب الرابط نسيتها و قعدت احوس في قوقل 
ابحث عن نفسي الضائعة و اخيرا لقيتها و ما بتتخيلون شلون ويهي صار يوم قريت ان آخر بوست لي كان في 2012 !!!

2012 !!!! مو المفروض ينتهي العالم عقب هل التاريخ هاهاهاهاه المهم اذا العالم انتهى فمدونتي كانت صامدة ماشاء الله 
ياااااااااالله على الاشياء اللي صارت والاحداث الاكشنية اللي مرت علي في هل المدة اللي ما دونت فيها شي ...
لو بكتب 10 تدوينات ما بتكفي مغامرات و الافلام الهندية اللي صارت في حياتي ...... 

ادري ان الكل متشوق يعرف هل الاحداث ... مايحتاج تترجوني خلاص بقول لكم موجز بسيط و يمكن في يوم من
الايام لما ما اكون
في حالة الكسل ،، اكتب بوست مفصل عن كل حدث منها

اي صح صح!! هههههههههههه ادري بعد ان محد بيقرى كلامي لان كل اللي كانوا يتابعون مدونتي ظنوا اني هاجرت من كوكب الارض و فقدوا الامل فبكتب براحتي و كأنني احدث نفسي .........


اهم الاحداث في حياة مومو منذ تاريخ اختفاءها المبهم في ذلك اليوم 

1.ذهبت مومو الى مدينة الملاهي برفقه كاندا يو و شهدت عملية ابتزاز 
2. امسك المبتزون بمومو و اجبروها على شرب pocari sweat مما ادى لتقلصها 

ستووووووووووب

غلط غلط هذي مب قصتي هذي الا قصة بعض الناس اللي ما بذكر اسمهم لأسباب أمنية و دولية اهم عارفين
روحهم .....

نعيد من البداية 

1. آخر مرة حطيت بوست كنت توني منزلة مادة اللغة اليابانية في الجامعة 
2. كملت دراسة المستوى الاول و الحمدلله واصلت و الحين انا في المستوى المتوسط الثاني
3. تخرجت من الجامعة اخيييييييرا ( خذت سنة تقريباً ) و اشتغلت :/ 
4. ما احب الشغل بس احب الراتب لاني اصرفه كله على بضاعه اوتاكوية بحته 
5. رحت اليابان وحققت واحد من أحلامي ( رحلة لمدة اسبوعين و اللي يعرفوني في تويتر سمعوا بالخبر )
6. آخر مرة حطيت بوست كان ساسكي لحين شارد من كونوها والحين رجع ( اعتبره شي مهم كيفي ! )


الحين لو اتم اعصر مخي من اليوم لي باجر ما بتذكر شنو النقطة رقم 7 مع اني قبل ما اكتب البوست كانوا 30 حدث مهم
في حياتي بس شنسوي في نوبات الزهايمر المفاجأة 


شاقووول شاخلي .....في كلام وايد واااااايد ابي اقوله بس عطوني وقت وبيطلع بروحه ... هذا اذا وصلت وما شردت الى تمبلر كالعادة ......

واخر شي اقول لمدونتي ولكم

ただいま帰りました

مؤونة اوتاكو للعطلة

السلاااام عليكم ورحمة الله وبركاته
مبااارك عليكم الاول من ذي الحجة و مبااارك لكل الحجاج وحج مبرور مقدماً :)
احم احم والله متحمسة حق هل الجمن يوم الي بيعطونا اياهم اجازة ورأساً عقبهم امتحانات المنتصف
انه عالم غريب عجيب =.=

المهم .... اخيراً تحقق حلمي وشريت لعبة الاحلام هاكوكي حيث البيشونن الجميلين ولا شي غيرهم في عالم
جميل مع الشينسينقومي و ... ( المعذرة fangirling طارىء )

الحمدلله الحمدلله قدرت اشتري اللعبة بعد معاناة طويلة لاني ما اعرف اطلب شي من الانترنت و لكن بفضل الله
تعلمت الطريقة و تحقق الحلم ووصلت اللعبة لعندي و وصلني التطور بعد سنوات العصر الحجري الي كنت اعيشه

اللعبة انا واختي مشتركين في شرائها و قررنا ان ندخرها لعطلة الربيع عشان نكون متفرقين عدل لها و نندمج فيها بلا دراسة بلا وجع قلب ههههههه XD

والمفاجأة الثانية اني قبل يومين كنت رايحة emax ولقيت لعبة كنت احلم فيها قبل هاكوكي ومن سنة تقريباً وانا ابي اشتريها
بس كانت غالية و كنت بخيلة و الحين رخص سعرها بشكل مو معقول و ارخص من سعرها في الانترنت بوااايد

كانت 19.800 BD صارت 6.990 BD  فعلى طوووول وبدون تفكير شريتها وانا مغمضة
وهذي اللعبة هي Persona 3 >////<

كم وكم تمنيت هذه اللعبة وكم حلمت بها والحين الحمدلله يات لي عندي

وجذي مؤنتي لهذا الشتاء القادم و العطلة الربيعية هي لعبة هاكوكي و بيرسونا بإذن الله و بعد ان شاء الله بطلب
فوليوم دي جراي مان 23 لما ينزل في شهر 12 وتكتمل المؤونة يا شلااام

999 the amazing game !!!

السلام عليكم


أول تدوينه لي بعد انقطاع دام مدة طويلة ، حبيت يكون عن لعبة مهما وصفت جمالها و روعتها بكون مقصرة 
لعبتها اواخر سنة 2011 و انهيتها في عطلة الربيع 2012 ( توقفت مدة عن اللعب بسبب الامتحانات الله يآخذها)
اللعبة نصحتني بها صديقتي الله يسلمها و لحين اشكرها لانها عرفتني على هل اللعبة الاسطورة الي سلبت عقلي وقلبي
وخلتني ادمن عليها !!!

اللعبة اسمها : 999: Nine Hours, Nine Persons, Nine Doors اختصاراً 999
نوع الجهاز : ننتندو دي اس ، لكن لا تحاتون انا ماعندي اياه ولعبتها على الكمبيوتر في برنامج يشغل العاب الدي اس

وحجمه صغير فالي ماعنده دي اس نفسي لا يفقد الامل و يروح ينزل البرنامج واللعبة بسرعة !

اللعبة خطيرة وعجيبة وانصح الكل ان يجربها اذا تحب الالغاز والغموض والمغامرة وفر الراس و جعل الاعب يضيع في الطوشة
و يعصر مخه لفك الطلاسم و ربط الاحداث اذا تبي تحس بهل الشعور بسرعة ألعب هل اللعبة !!

لهذه اللعبة ميزة انك تعيش الدور بكل تفاصيله و تحس انك فعلا موجود في البيئة الي تدور فيها الاحداث ، الرسم رائع يشبه رسم الانمي وحركات الشخصيات بسيطة لكن مفعمة بالحياة ، الموسيقى اكشن ( نزلت الساوند تراك مباشرة عقب ما ختمت اللعبة)
و الاحداث تشدك للمتابعة و الالغار تحرك المخك و تدفعه للتفكير !!

قصة اللعبة بإختصار :  9 اشخاص يلقون انفسهم محبوسين داخل سفينة في عرض البحر ، شخص غامض اختطفهم واجبرهم على لعب لعبة تسمى nonary game و اخبرهم ان بعد 9 ساعات راح تغرق السفينة ! و عشان ينجون لازم يبحثون عن باب يحمل الرقم 9 !!

9...9...9 هذا الرقم بيبقى يحوم حولك طول ما انت تلعب اللعبة .. مو بس جذي الشي المميز ان لهذه اللعبة 6 نهايات مختلفة !!
وبينهم نهاية حقيقية وحدة عشان توصل لها لازم تعبر النهايات الخمس السابقة فيعني لا يخيب ظنك اذا ما عجبتك النهاية الي وصلت لها لأنها مهمة جداً حق توصلك للنهاية الحقيقة وبتعرف السبب في وجود النهايات الكثيرة بعد ختمك للعبة !!

اسرار لا نهاية لها ،، الغاز عجيبة ،، يتغير مجرى الاحداث بحسب اختيارك ( بتكون عندك حرية اختيار اشياء كثيرة تترتب عليها 
النهاية الي بتوصل لها و الاحداث الي بتصادفها )

بتتفاعل مع الشخصيات الثانية و بتعرف اشياء كثيرة عنهم ، نسيت اقول ان الشخصية الي بنقدر نتحكم فيها هو واحد اسمه جمبي 

( يا حليك يا جمبي والله وحشتني T^T )

غرف كثيرة داخل السفينة وبيبان مختلفة !! كل غرفة تحمل لغز لازم تحله عشان تعبر من خلالها !!
انتبه الالغاز مب سهلة ويبي لها تفكير و لكن معاك اشخاص اخرين يساعدونك على ايجاد التلميحات ويعطونك معلومات مفيده
و انت عليك الباقي ...

تعتمد اللعبة على التوتر النفسي الي تخلقه في نفس الاعب ، والله يوم كنت العب كان قلبي يدق واحس بالخوف لان الموسيقى تدخلك في الجو و حتى الاحداث تعيشك الجو الحقيقي للخطر الي يواجه الشخصيات ( غرق و اشياء فضيعة ثانية )

اللعبة عبارة عن رواية بصرية يعني في كلام واااايد وشرح مفصل للأحداث و ملامح الشخصيات الي ما يحب يقرى لازم يتحمل
اما الي مثلي فبيستمتع بالسرد الجميل والوصف الرااائع للأحداث و كل التفاصيل 

لما تختم نهاية معنية بيكون عليك ان ترجع للبداية وتعيد اللعبة ولكن بخيارات مختلفة ، البعض بيقول هذي ممل اعيد لعب اشياء لعبتها مرة ثانية ( الا خمس مرات ) لكن في ميزة التطويف انك تقدر تطوف الاحداث الي مريت بها بسرعة اما الاحداث اليديدة فلازم تقرها فما بتقدر تطوفها ، و حتى الالغاز الي بتمر عليها اكثر من مرة بتقدر ( بحكم الخبرة ) انك تحلها بسرعة وتنتقل للخطوات الجديدة !

هذي اللعبة تقدم لنا مجموعة كبيرة من النظريات العلمية و الاساطير الي حاول العلماء تفسيرها ، يعني خلال لعبك لها بتمر عليك مجموعة واسعة من النظريات المشوقة و المخيفة والغريبة الي خلتني احس ان العلم غامض ويخرع شوي !! لكن تغيرت نظرتي لأشياء وايد !! حتى  في شي اسمه الجذر الرقمي بتتعلم طريقة حسابه خلال اللعبة لانها تعتمد عليه اعتماد كبير ، لاتخاف تراه سهل ولحين استخدمه للمتعة بس !!

اللعبة مليئة بالمفاجآت لأخر دقيقة فيها !!
استمتعت بلعبها من قلب و اقدر اقول انها لعبتي المفضلة بلا منازع !! 
انصح كل الي يحبون هل النوع من الالعاب ان يجربونها لانها تستحق 
لعبة راااااااائعة و خطيييييييرة و اسطورة ما بتتكرر 

رجعت ... ولكن

السلام عليكم

هكاني رجعت عقب غياااااب طوووويل ماله سبب غير الكسل و تويتر و تمبلر و الشيطان اعوذ بالله من ابليس
والله اني احب هل المدونة بس انا كسلانه ما ابي اتعب روحي وادون الاكشنات الكثيرة الي تصير في حياتي الانماوية والمنجاوية
المهم حبيت اقول ان انا لحين من سكان كوكب الارض وما هاجرت للمريخ في فترة غيابي فلاتخافون وارتاحوا ...
شكراً لكل الي لازال يتابعني على الرغم من غيابي الطووووووويل
ويمكن اتشجع وادون هني مرة ثانية ويمكن اصير كسلانة واختفي من يديد!!

انميات خاقة عليهم حالياً : ريبورن ، غينتاما
مانجا لا ازال اتابعها واعشقها: دي جراي مان

اذا بدون شي فإحتمال كبير يكون على واحد منهم !!

ومع السلامة

إيزااااايا كون ♥ He loves humans and I love him

 

نعم ! نعم ! سوينا حفلة صغننة لإيزايا-كوون ♥ ♥ ♥

 

وقعدت أتذكر بعض المواقف التي لاتنسى لإيزايا ♥ 

جان زين تسوي جذي في موبايلي >3<

إيزايا يقود الدراجة النارية الخفية ! ماله حل 

إيزايا الحبوب يحب الدوس على الأشياء و ..... الأوادم

"Love ...Love ...I love humans"

حبتك العافية   ♥ 

 

قلت لكم أنه ماله حل =w= 

   

   

 مشروعي القادم : اسوي حفلة للغالي الغايب عني من زمان كاندا يوو :(

متى بيرجع للمانغا ؟ بإذن الله بحتفل بعيدميلاده تاريخ 6/6 و افكر اسوي

له حفلة سبشل بس ابي افكار يديده ؟ لان أنا و اختي نتهاوش عليه مع العلم

أن اهي تحب ألن ولكر بس من قرادة حظي حبت كاندا T-T  

 وناسة بيكون لو رجعته هوشينو-سينسيه في يوم عيدميلاده !!!