السلام عليكم ورحمة الله وبركاته
و أخيراً و أخيراً قدرت أصمم لي ستايل حق المدونة على مزاجي
باركولي يا ناس يا جماعة الخير !!!
الفضل يعود لله ثم للأخت صاحبة مدونة سكتشات يزاها الله كل خير
اهي الي خلتني اعرف ان في اختراع اسمه برنامج آرتستر وانه يستخدم لتصميم قوالب المدونات
و انا اقول شلون الآوادم مدوناتهم اتينن و تصاميمها حلوة وانا لين احاول تطلع لي النتيجة تخرع
الحين اكتشفت السر ،،
الي له خاطر يصمم قالب على كيف كيفه و يتحرر من قوالب بلوقر الكئيبة يركض على مدونة
سكتشات و يجوف بنفسه :) هنا
و أكرر شكري لصاحبة المدونة تسلم يدها =)
عن هل القالب الي صممته ، مادري ليش اخترت الوان باردة ، يمكن لأن الجو بارد ؟
و مادري ليش اخترت صورة كاوائي مع اني متوحشة؟ المفروض احط صورة ثنين يتهاوشون مثلا ؟
على العموم هذي تجربتي الأولى والمرة الياية بسوي قالب يعكس حقيقتي هاهاها ان شاء الله..
شي أخير أشكر كل متابعين مدونتي ^^ والله مستانسة حدي ان في احد يبي يقرى خزعبلاتي الخربوطية
حياكم الله والمدونة مدونتكم و مرحبا الساع وعسى ما يوحشك غالي >>> نوبة الزهايمر
يلا أستأذن بروح أجوف ون بيس حلقة أكشنية ^^
مع السلامة
ليست هناك تعليقات:
إرسال تعليق