مساء الخير
كومبوا و مساء المطر والخير و الغيم الأسود الجميل ..
اليوم يوم خطير صراحة ، من زمان ما طق علينا مطر
و يوم طق الحمدلله طق من قلب ، برد حرت الأيام الصحراوية
الي مرت علينا ، أنزين .. صح الجو بارد و أكيد بتزيد برودته
بس المطر حلوو آيه عليه أحبه و أحب ريحته و النقع الخضرة الي يسويها هاهاها ..
اليوم مع هل الجو الماطر البارد ، ومع بداية عطلتي الربيعة الي المفروض يسمونها
شتوية ممطرة ، قعدت قعدة أطالع أنمي Durarara الي كنت من زمان ناوية أجوفه بس
ما حصلت الفرصة السعيدة ، واليوم جفته وبردت حرتي مثل المطر !!
آه مادري شاقول الصراحة الأنمي فر مخي عدل ، البداية مبهمة ومافهمت شي
الي يقول جنه جفته مترجم هندي مب عربي ههههه الحين وصلت للحلقة العاشرة
وعيوني تعورني و أذوني تعورني من السماعات ، من الصبح وانا مقعدة جدام الكمبيوتر واجوفه
و البرد لاعب بحسبتي لوول المهم الحين بدأت القصة تتوضح شوي شوي و بديت احبها
دشت مزاجي يعني ، ولو اني اواجه مشكلة في حفظ اسماء الشخصيات بس خذت ورقة
وقلم و قعدت اكتب اسماءهم الي تطلع في اغنية البداية لووول جني متخرعة بس هل الطريقة
مفيدة هكو حفظت لي جم أسم !!
واااايه على شيزو-تشان ، أما بخصوص أنه يكره العنف فهذا الشي صدم مخي و قتلني ضحكاً
حبتك العافية بس انت مو بشري مثلا ؟؟ مو بعيدة يكون زعيم الدولارز بس اهدافة غاااامضة عدل لحد الحين .. ايزاايااااا ( بصوت شيزو)
المشربكة على انه شهم وخوش ريال ،، اقوله تساتاااهل الي بيصيدك ومحدش ضربك على ايديك ( مسكين )
والحين عن أذنهم برجع أكمل مشاهدة الأنمي
مع السلامة ~
ليست هناك تعليقات:
إرسال تعليق