ما معاكم خبر زين ؟

 ما معاكم خبر زين يا رسول السلامة 

لا تخيــــــــب ظنوني .. 

بسألك عن البحرين كيف أهل المنامة ؟

عاد أهم يذكروني ..... 

يؤسفي ما تعرضت له البحرين في الأيام الماضية ..

أنا ما كتبت هل الرسالة لأعبر عن توجهاتي السياسية او أي شي

الحقيقة أن السياسة ما تهمني و إن سألتوني فسأقول أني أتبع سياسة

الهوكاجي الثالث الي حكم فيها كونوها ...

الشي الي ابي اقوله اليوم ،، أني حزنت و حزنت وايد على بلادي الجميلة

و أشتقت للأيام الخوالي لما كانت البحرين عادية ، بدون مظاهرات ولا 

 مشاكل و بلاوي .. أتمنى أن أجوفها مثل قبل ،، هذا الشي الي حز في نفسي

قبل أسبوع ( قبل حظر التجول لول ) طلعت في الليل و رحت للمنامة تحديداً

سيتي سنتر ، وفي ذيك اللحظة حسيت بشعور غريب لما جفته شبه فاضي

و شوارع المنامة هادية و خالية ، حزنت على البحرين من قلب ، حسيتها كئيبة

وين الزحمة والناس الرايحة والياية ؟ في ذيك اللحظة تذكرت شي قريته في رواية

دررر و هو أن المدينة لها روح و هي تشعر و تحس مثل البشر ، فعلا حسيت أن

المنامة كانت حزينة وايد و مشتاقة لأهل البحرين أن يرجعون لها و يحيونها من يديد ...

بصراحة أنا مليت ! أبي هل الأزمة تنتهي بسرعة وترجع البحرين مثل أول و أحسن 

هذا غير الأشغال و المدارس والجامعات الي تعطلت .. 

بس الشي الي يفرح هو وقفه أهل الخليج معانا فعلا حسيت أن درع الجزيرة شي كشخة

و فيه ناس نعتمد عليهم وقت الشدة الله يحفظهم يا رب ويخليهم لنا :)

ما أظن الذي حبيتهم يكرهوني لا 

ولا يـــــــظلموني ...