قضية ستايلز الغامضة

مبارك عليكم الشهر << متأخرة أسبوع ما عليه :) المهم انا ان شاء الله اليوم عقب السحور بقرى الفصل الآخير من الرواية الخطييرة والعجييبة " قضية ستايلز الغامضة " لآغاثا كريستي حدي متحمســـــة للنهاية ابي اعرف المجرم >< طبعاً انا شاكه في سينثيا ، لأسباب كثيرة بعد ما طلع جون انه برىء ( كنت اشك فيه ) ، رجعت اشك في سينثيا أولاً لان غرفتها متصله بغرفه القتيلة و لانها ما تحط سكر في قهوتها ( مثل ما قال بوارو ) و لأن دوركاس العزيزة قالت انها تنكرت في هيئة رجل في حفلة تنكرية ومحد قدر يلاحظ ( اتقنت الدور ) مو بعيدة انها تنكرت بشكل انغلثورب و راحت الصيدلية و اشترت الاستركنين عشان تورط المسكين في الجريمة واصلا اهي تقدر تحصل السم من الصيدلية الي تشتغل فيها بس لحين انا مو فاهمة شنو الي خاف منه لورنس واهم في غرفة الضحية ؟ الشي الي لاحظه هيستنغز على ويهه ؟ في البداية كنت اشك في بورشتاين ( طلع برىء ) و ماري ( همم مو متأكدة من برآءتها ) و لورنس شنو قصة فنجان القهوة الاضافي ؟ هممممم اذا طلع توقعي صحيح و سينثيا اهي القاتلة وااااو بتكون اول مرة اخمن صح مع اني ادري 100% اغاثا بتقلب توقعاتي فوق تحت ><